Burger Home (已結業)

每逢系湾仔返工，lunch都会谂起呢间食burger既小店。贪佢价钱唔贵，但系多选择。之前食过鱼柳burger,但都系钟意食牛多啲，所以今次都系叫咗芝士手打牛肉汉堡。一落单唔系等咗好耐就已经有得食，同朋友两个都加咗$22转套餐，一个拣咗薯条，一个拣咗趣乐鸡。Burger都几大个，正常女仔既份量绝对够饱，牛肉亦够juicy至于薯条亦都够脆，份量亦都唔少。最后趣乐鸡就正正常常，上面有啲黑椒粉，都有口感👌🏾不过餐厅既冷气真系略嫌唔够，要靠风扇，但系女士咁岩坐正风扇吹住既位又会食得好唔舒服，啲头发吹嚟吹去咁，建议可以带定橡筋🤣