Delish (已結業)

呢间餐厅位于愉景新城商场入面，同一位置同一装修近期内都已经转过手几次，每一手我都有试过，每一手都一般嘅，唯独今次有d惊喜，希望可以打破开亲喺度都执笠嘅宿命啦！📍飞驒和牛汉堡伴炸洋葱圈.甜番薯条.松露酱 $158 🍔价钱 8.5/10味道 9/10一上碟又系吓亲，望到个包咁高心谂唔知点样放入口，所以偷偷地食咗两块洋葱圈先哈哈！和牛汉堡扒好Juicy，虽然细细块，但配落个包度都依然好有口感。值得一赞系炸甜番薯条，每一条都可以系外脆内软，唔点将就咁食都好食得出番薯甜味，配埋少少咸咸地又好香松露味嘅松露沙律酱，一咸一甜好好食。📍澳洲100日谷饲西冷牛扒伴炒野菜.香草烤新薯 $238 🥩价钱 8.5/10味道 9/10切落去肉汁满满，而且好粉嫩，咬落去同望落去一样期望冇落差，调味适中，唔会话太咸，肉质一d都唔老，唔知呢啲系咪就系榖饲100日嘅威力呢？📍牛乳雪糕味道 10/10甜品一啲都唔hea，系超浓牛乳雪糕，好浓牛奶味好creamy得来又唔会好甜，食到饱晒之后仲有呢个跟餐甜品，真系诚意满满。💌总结重点系，晚市套餐有85折之外，其他甜品仲半价升级添呀，咁抵得唔得架！希望佢个85折唔好咁快完啦。