Kuru Kuru自家製手作意粉 (已結業)

坚尼地城真系好多美食！听闻 Kuru Kuru 嘅手拉薄饼唔错，而且套餐 CP 值极高，所以寻日行完市集就过去试下～去到发现有个万圣节限定嘅二人餐，二百几蚊有 2 个小食、两个主食（可选择手拉薄饼、手工意粉或者意大利饭），仲有一个甜品，真系超抵 😍辣肉肠芝士手拉薄饼个饼底真系好正，厚薄适中，口感烟烟韧韧，唔会话好实好似食紧面包咁，仲有少少㶶边 🤤 手拉薄饼真系特别好食！👍🏻单骨鸡翼配薯角、章鱼小丸子鸡翼同薯角都炸得够香脆，而且鸡翼辣辣地好惹味；至于章鱼小丸子，系因为本身想嗌炸鱼块但冇晒，所以就要用呢样来代替，只能讲系普普通通不过不失，冇太大惊喜！🙈炸软壳蟹蕃茄意大利饭软壳蟹虽然有少少油，但系都炸得几脆，意大利饭软硬度适中，果汁超香蕃茄味 🤤南瓜巴斯克芝士蛋糕（万圣节限定）口感比较松散，南瓜味同芝士味都唔太突出，但系佢胜在唔会太甜，都系一个唔错嘅甜品 😉虽然呢个餐冇跟饮品，但系佢嘅价钱就算散叫饮品都非常之抵，我哋当日叫咗两杯冻饮，埋单都唔使$300 🙈 其实佢都仲有一啲行上嘅二印刷，价钱一样都系非常抵，而且𠮶啲仲包埋嘢饮 👍🏻 听闻佢嘅手工意粉都唔错，下次要再试吓先 😋