日本野 (已結業)

🔺 日本野 (旺角)终于食到呢间长期爆满既日本餐厅，个人好中意拣d 好多小食既餐厅，因为比较细食，基本上食完个主菜就饱阻，所以如果多d 小食就可以试多d 唔同既野😚😚🔸晚市定食方面一个餐入面已经包阻温泉蛋或者溏心蛋，沙律或者面豉汤，同埋一杯餐饮。🔻石烧霜降吉列牛小排定食（$248)呢个会有个石烧比你自己按个人喜好烧熟既程度，自己即烧即食热辣辣，配埋个烧汁甜甜地好好送饭，而且d 牛冇筋又唔un。🔻大阪风吉列猪扒定食（$138)一上枱份量惊人，两块劲大吉列猪扒，炸到脆卜卜热辣辣，入面猪扒仍然juice 同埋松软，口感惊艳，配埋个猪扒酱酸酸地好开胃，如果旁边沙律菜有个芝麻酱加埋更佳。🔸嗌晚餐有多款小食追加，仲不限数量，好抵食!🔻蜂蜜牛油粟米（$23)蜂蜜，粟米，都系我最喜爱既野，见佢$2x 平平地忍唔住嗌一份，ym枱热辣辣，份量适中，蜂蜜味好重，食既时候就闻到香甜味。🔻厚烧鳗鱼玉子（$48)一份有三件，件件都好厚身，玉子唔会盖过阻个鳗鱼味，点埋个沙律酱好开胃，唔会好漏。🔻和风柚子鸡翼（$68)一份有五只鸡翼，而且鸡翼都几大只下，略嫌柚子酱重手阻，比较偏甜，衬热食就好d。