金鶴拉麵 (荷李活道) (已結業)

一个人的晚餐, 唔想食快餐, 食拉面就最好不过。公司附近有间拉面店---金鹤拉面, 同事食过赞口不绝, 正好今晚去试试。平日正值下班时间, 可顺利安排入座, 餐厅环境整洁企理, 主打嘅拉面有唔同汤底选择, 另有鳗鱼饭、小食、串烧,拣咗一款signature汤底----极浓鸡白汤,极浓鸡白汤拉面 :奶白色汤底以原只鸡烹调超过8小时, 味道咸甜黏滑, 非常creamy, 容易挂汤, 每条面条都挂上汤汁, 面质软硬刚好, 啖啖含丰富天然骨胶原, 深受女士喜爱, 健康又美颜。牛蒡即炸, 甘香香脆不油; 鸡肉有dd厚度, 肉质嫩滑; 豚肉叉烧粉嫩薄切, 毫不油腻。配有软滑流心嘅温泉蛋、荀片、木耳丝同埋香葱, 令口感同味道都丰富有层次。蒲烧生烧鳗鱼:烧鳗鱼表面扫上了甜甜鳗鱼汁, 皮稍为索咗少少汁酱带点点烟韧, 鳗鱼质地好林, 汁酱稍带出鲜香味。明太子鸡翼:外皮微脆, 鸡翼嫩滑juicy, 酿入嘅明太子令整体味道有少少辣, 几惹味。