Kactus Koffee

营业中

休息中

舖头系落地玻璃，利用天然光照入嚟，光猛得嚟好舒服，位同位之间隔好远，所以位好少，加上冇限时，等位一定有排等，早啲到食早午餐，或者趁6,7点去，会少啲人。*Green tea latte $40好浓抹茶味，又有奶香味，热辣辣冲出嚟，可惜冇拉花，不过好饮胜于一切。Kactus Koffee $40奶盖+拿铁，奶盖有少少咸香，好滑好浓，下面系拿铁，7成奶香3成咖啡香，斜斜地饮到半奶盖半咖啡，奶香味up up upVienna Koffee $40同样系奶盖，不过下面系美式咖啡，咖啡豆果香偏酸，连奶盖饮，比Kactus Koffee多一层咖啡果香味，少一层牛奶味。Blueberry cream cheese croffle $60牛角包窝夫，不失牛角包嘅牛油香，有千层酥皮感觉，可惜忌廉芝士得面头一粒仔，一啖就冇晒，红莓蓝莓干酸酸地，连牛角包食，唔会腻之余，仲越食越上瘾，系贵咗少少。Vanilla ice cream croffle $60炼奶+云呢拿雪糕，甜到腻嘅组合，但又好好食，一冻一热，一个软滑一个千层酥嘅脆，好正，不败组合。