Fifty Fifty

营业中

休息中

一向钟意食Croffle，今日去呢间店试吓，买𠮶阵问咗店员系咪即叫即整，店员话系热嘅，叫我买完过5分钟过嚟攞，我过咗5分钟就去返铺头攞，店员用个盒装住，本来想加个盖冚住，我话堂食，店员话堂食就唔使冚盖，因为怕热冚盖会冇咁好，于是我就揾左个位即刻食，一咬落去完全系冻嘅，上面嘅焦糖结到一旧旧，我即刻问店员点解系冻嘅，店员死撑话系啱啱整起，要摊冻啲先至落啲焦糖喺上面，我话如果系啱啱整起，起码都有少少暖，依家直情系冻嘅，应该已经摆咗一段时间，店员听到我投诉，就问我系咪要食热嘅，佢哋再整过俾我，后来我等左15分钟，店员送上一件俾我，呢次系热嘅，味道口感都几好，但店员处理真系好有问题，可能最初以为我系外卖攞走，求其俾个摊到冻晒嘅俾我，谂住我攞走食，就算俾冻嘅都唔会有问题，最离谱系要我等5分钟，又话热嘅冚盖冇咁好，系度装模作样，扮即整嚟呃顾客，做生意好唔诚实，而且唔认真对待食物品质，求其hea顾客，就算啲嘢好食都无用，迟早执笠！