影片
更多
2017-12-15
114 浏览
系香港想食好嘢？真系冇办法，有时真系要好似冒险咁发掘出泥。而今日介绍嘅呢一间，系我最近食过各间鳗鱼饭，觉得最满意嘅一间日本餐厅。非地铺嘅关系，唔系太方便揾到佢。但试过之后，绝对系值得再番泥！是日星期日，刚刚喺铜锣湾办完一啲事，咁巧合经过附近，打算食日本野。喺楼下见到招牌再search下OpenRice，就决定咗试呢一间！无谂到假日都有午餐，价钱由60几蚊至到90几蚊不等。首先讲下Lunch set，基本嘅沙律、面豉汤、一碟小食有齐，最后一个主菜。而今日我哋叫咗嘅餐呢，分别系极上鱼生饭同极上鳗鱼丼饭。其实唔驶等好耐，一啲基本嘅小菜都马上到，因此好快就有得食。沙律份量适中，加入咗我最钟意嘅柚子醋，酸酸甜甜非常配合，令人开胃。至于今日小食就有螺肉青黄瓜，最适合就系送饭食。讲咁耐，竟然系鳗鱼饭最先泥到！简直系可以用震惊来形容，因为鳗鱼系整条咁上，尺寸有我手臂咁粗！真惊喜。可以由相片睇出同匙羹个比例，绝无夸张！然而，唔好以为得个尺寸威水，当我食左一口鳗鱼，真系无得输。鱼肉嫩滑唔老，蒲烧汁绝对唔吝啬，鱼肉非常入味再配一口饭：啊！内心已经绽放烟花。呢个鳗鱼饭啲水准觉得已经非笔墨能形容，绝对一定要试啊
是日星期日，刚刚喺铜锣湾办完一啲事，咁巧合经过附近，打算食日本野。喺楼下见到招牌再search下OpenRice，就决定咗试呢一间！无谂到假日都有午餐，价钱由60几蚊至到90几蚊不等。首先讲下Lunch set，基本嘅沙律、面豉汤、一碟小食有齐，最后一个主菜。而今日我哋叫咗嘅餐呢，分别系极上鱼生饭同极上鳗鱼丼饭。
竹串午餐
40 浏览
0 赞好
0 留言
其实唔驶等好耐，一啲基本嘅小菜都马上到，因此好快就有得食。沙律份量适中，加入咗我最钟意嘅柚子醋，酸酸甜甜非常配合，令人开胃。至于今日小食就有螺肉青黄瓜，最适合就系送饭食。
极上鳗鱼丼饭
23 浏览
0 赞好
0 留言
讲咁耐，竟然系鳗鱼饭最先泥到！简直系可以用震惊来形容，因为鳗鱼系整条咁上，尺寸有我手臂咁粗！真惊喜。可以由相片睇出同匙羹个比例，绝无夸张！然而，唔好以为得个尺寸威水，当我食左一口鳗鱼，真系无得输。鱼肉嫩滑唔老，蒲烧汁绝对唔吝啬，鱼肉非常入味再配一口饭：啊！内心已经绽放烟花。呢个鳗鱼饭啲水准觉得已经非笔墨能形容，绝对一定要试啊！大件夹抵食。
极上鳗鱼丼饭
12 浏览
1 赞好
0 留言
极上鳗鱼丼饭
9 浏览
0 赞好
0 留言
太震惊到我差啲忘记咗，自己仲有个鱼生饭。鱼生饭卖相亦都非常之吸引，而刺身嘅款式亦都相当多：分别有海胆、三文鱼、 油甘鱼、吞拿鱼、带子同赤海虾。呢个价钱可以食到咁多款刺身，其实都已经相当物超所值，刺身类嘅狂热爱好者，想一次过满足晒你嘅欲望，非呢个餐莫属啦！
极上鱼生饭
14 浏览
0 赞好
0 留言
极上鱼生饭
8 浏览
0 赞好
0 留言
题外话，侍应亦都好好客咁帮忙加水，又主动问我地觉得好唔好食。个人感觉整体都几舒服，所以都好推荐自己朋友试吓呢一间，铜锣湾开饭？Try it！
张贴
