影片
更多
2019-07-20
79 浏览
Hugo Le Resto Grill (铜锣湾)铜锣湾怡和街42-44号华人银行东区大厦2楼-----好友生日 上网见到呢间铜锣湾楼上西餐颇多好评 地点方便 邻近SOGO 同皇室堡 方便我地食完逛街 所以就拣左呢度同佢庆祝 上黎发现餐厅内部环境比起系外墙睇靓 每张枱仲有一盏可以调节光度嘅小灯 感觉非常浪漫💕呢度一共有11款Signature dinner 价钱由$238-$338不等 每个Set都有包餐包 自助沙律吧 龙虾汤及饮品-◆餐包：面包系哋自家制造 烤热过之后再拎出黎 食落暖暖地 质感松软 还不错-◆自助沙律吧（跟餐送）选择话多唔多 话少唔少 有沙律菜 哈密瓜 新鲜菠萝 番茄仔 粟米粒 粟米芯 秋葵 橄榄 薯仔沙律 水果沙律 熟虾 番茄酸瓜洋葱酱青口 青瓜 紫洋葱 面包糠等等 整体质素几高 尤其推介冻青口同新鲜菠萝 前者调味清新 后者鲜甜多汁😋-◆龙虾汤（跟餐送）：质感稠身 龙虾鲜味突出 饮落几creamy 底部有啲虾粒 增添口感 另外可以系沙律吧自己攞啲面包糠加落去 钟意食几多就攞几多😙-◆非凡鲜罗勒香草酱海鲜扁意粉（$238）一上枱已经闻到浓郁罗勒香草酱味 加上望落热气腾
铜锣湾怡和街42-44号华人银行东区大厦2楼
-----
好友生日 上网见到呢间铜锣湾楼上西餐颇多好评 地点方便 邻近SOGO 同皇室堡 方便我地食完逛街 所以就拣左呢度同佢庆祝 上黎发现餐厅内部环境比起系外墙睇靓 每张枱仲有一盏可以调节光度嘅小灯 感觉非常浪漫💕呢度一共有11款Signature dinner 价钱由$238-$338不等 每个Set都有包餐包 自助沙律吧 龙虾汤及饮品
-
◆餐包：面包系哋自家制造 烤热过之后再拎出黎 食落暖暖地 质感松软 还不错
-
◆自助沙律吧（跟餐送）选择话多唔多 话少唔少 有沙律菜 哈密瓜 新鲜菠萝 番茄仔 粟米粒 粟米芯 秋葵 橄榄 薯仔沙律 水果沙律 熟虾 番茄酸瓜洋葱酱青口 青瓜 紫洋葱 面包糠等等 整体质素几高 尤其推介冻青口同新鲜菠萝 前者调味清新 后者鲜甜多汁😋
-
◆龙虾汤（跟餐送）：质感稠身 龙虾鲜味突出 饮落几creamy 底部有啲虾粒 增添口感 另外可以系沙律吧自己攞啲面包糠加落去 钟意食几多就攞几多😙
-
◆非凡鲜罗勒香草酱海鲜扁意粉（$238）一上枱已经闻到浓郁罗勒香草酱味 加上望落热气腾腾表面铺满海鲜 感觉非常吸引 意粉份量几多 材料有虾 鱿鱼 黄椒 红椒 洋葱 蘑菇同三文鱼等等 扁意粉软硬适中 条条都均匀沾上罗勒香草酱 食落同闻落一样 罗勒香味突出 整体非常高质
-
◆香煎格陵兰比目鱼配清新柚子汁（$228）两大块比目鱼煎得皮脆肉嫩 以味道清甜嘅特调柚子汁做调味 特别得黎几解腻 比目鱼下面有几条露笋同大量紫薯泥作伴碟 紫薯泥质感绵密 无加太多调味 味道天然得黎好饱肚
-
♥︎之所以拣呢间餐厅 仲有一个搞笑原因 就系上网揾餐厅时候发现 呢度嘅主厨有上过「都市闲情」教人煮西餐🤣而B仔细个曾经系「都市闲情」忠实粉丝呢！（成日陪啊妈睇🤣）
-----
👶🏻B仔整体评价：8.1/10个👍🏻
👶🏻B仔抵食程度：7.5/10个👍🏻
👶🏻B仔环境评分：8/10个👍🏻
👶🏻B仔味道评分：8.5/10个👍🏻
👶🏻B仔回头机会：8.5/10个👍🏻
-----
#swallowhongkong
跟住我一齐吞食香港啦！🤤
#swallowcwb
张贴
