串カツ専門店

营业中

休息中

呢间系近排食过最高质嘅居酒屋。芝士明太子蛋卷 $128超级拉丝！入面有满满嘅明太子。鸡蛋煎得啱啱好，好软熟咸香得黎都仲食到蛋香。博多牛肠锅 2人前 $320有几款汤底拣，我哋嗌咗盐汤底。入面有新鲜柠檬同明太子，大滚之后捞起柠檬就唔会苦涩，柠檬嘅酸味中和咗牛肠嘅肥腻感。而明太子嘅咸香又将成个汤底升华咗！章鱼小丸子 $48呢度嘅小丸子好食，花时间影完相，表皮都仲好卜卜脆！底部仲加咗虾片增加口感同海鲜味，入面粉少章鱼又多。以为系小菜但完全可以做招牌菜。各式各样嘅炸串 低至$22起佢嘅炸串唔贵，推荐必食蕃茄猪肉炸串同芝士三文鱼炸串。