Zappy (已結業)

哈哈，去亲铜锣湾唔系食车仔面就日本野嘅我，今日要介绍你嘅呢间系食西餐厅，虽然价格算中等，但质素相应上都高质啲。先讲讲环境，虽然唔算好大嘅餐厅，但适合情侣或几个朋友仔小聚嘅地方，十分有格调，所播嘅音乐亦都系柔情舒服嘅曲风。呢间餐厅无特定晚餐，想要饮汤定沙律又或小食，可以自己渣主意。而我地因为唔太饿，所以最后决定叫几款Share，咁做就可以食得哂之余又可以试多几款。分别有每日鲜制浓汤加蒜蓉牛油多士、蒜香辣油蚬天使面、香烤美国安格斯无骨牛小排，加柚子梳打。最先到嘅系是日餐汤，浓郁嘅磨菇忌廉汤，稀杰程度刚好，香而细滑，而且调味唔会过咸，绝无味精。浓汤配一口蒜蓉牛油多士，味道非常融洽，真好系好好饮。其后天使面送到，除咗碟面上大大只嘅蚬十分吸睛之外，天使面发出浓浓嘅蒜香味，简直就系引死人。二话不说马上分碟一试，预料之中，意大利面熟透程度适中，仲有些少弹牙，食得出淡淡嘅SAKE酒味，调味得宜。其间饮品送到，个人喜欢食西餐饮水果梳打，原因系有时可能刚巧食完味道偏重或煎炸嘅小食，最适宜饮一口滋润一下干涸嘅喉咙。柚子梳打嘅味道唔会太甜，最岩我呢啲唔钟意饮甜嘢嘅人。最后美国安格斯无骨牛小排，因为我地都系食得