Chez Bistro (已結業)

几甘忙碌都要慰劳下自己！今次选左铜锣湾呢间主打set lunch/dinner的法国餐厅，餐厅装潢好欧式，四周都系窗台，感觉好舒服优雅！今次就选左lunch时间黎，餐厅全场爆满，坐无虚席，Set lunch包括餐汤沙律主菜同饮品！侍应首先会攞一篮包黎为你挑选你钟意的餐包，面包松软可口，亦可配小小旁边提供的黑醋槛榄油！沙律非常丰富，有基本的沙律菜蕃茄仔，仲有炸到好似薯条的面包、藜麦、红石榴同大大只虾！而佢个酱汁酸酸甜甜又带点芥辣味，好开胃！餐汤系蕃茄忌廉汤，蕃茄味好浓郁，汤入面会加埋面包粒，增加汤的口感！主菜系低温慢煮澳洲和牛面颊肉牛肝杂菌忌廉烩蝴蝶粉，第一次食蝴蝶粉好新奇，真系好似蝴蝶形状，口感烟韧，而牛肉会切到一粒粒，方便同埋蝴蝶粉一齐食，好贴心！而且牛肝菌味好浓郁，食到最后一块蝴蝶粉都包裹住浓浓酱汁！最后送上一杯冻柠茶画下完美句号！