鍾記車仔麵 (已結業)

上星期同阿妈去钟记食车仔面，排队𠮶个位个阿姐好恶咁款，虽然明知呢档野比较平民化，d人粗野小小都难免，于是我地拿拿临拣d粉面之类，个女人渌渌下面，有个后生d既skinhead男员工突然加入，望住我地，虽然我都谂住应该系要叫𩠌，但系佢一粒声都唔出，凶神恶杀咁望住我地，又唔问我地食乜𩠌，令人好惊，好似慢一秒都会畀佢闹咁，佢好似当d客会知道佢心入面谂乜，讲句野都唔使死啩。佢d态度奇差，好似我地喺度乞食咁，后尾本来想叫多个油菜，但佢根本冇畀机会我地讲野，我后尾变成同个收银女仔(佢比较友善)讲饮d乜，同埋加多个菜。因为要自己托住盘野，好重，所以我地坐喺好近个男员工附近既位，有时偶然同佢望到，佢都好恶咁望过黎，我唔知呢间野d人发生乜事，虽然佢喺美食坊入面收费较平，都冇理由服务质素要差成咁，佢地真系唔休冇客咁款。d野食好一般，我地都系因为太兴爆晒先至走过黎钟记度食，下次都咪搞我，我唔想再受气。