Noir Chocolatier (已結業)

(迟来了的post)男朋友情人节既时候买左一盒noir chocolatier既朱古力俾我,入面有2大包朱古力!见到d朱古力个样好开心, 因为好耐之前去赤柱1间朱古力专门店食过呢个样既朱古力, 觉得好好食!印象中赤柱果间既朱古力充满香味,而且入面既士多啤梨干同咖啡豆都超好食!于是我满心欢喜打开呢间买既朱古力,充满期待......点知d朱古力系果d劣质朱古力味, 直头系大陆出果种, 有阵怪味! 咁都未算, 入面d果干全部林晒, 仲要唔系士多啤梨干黎, 系提子干! 好难食! 最后只有黑朱古力包住咖啡豆果只系摆得入口, 其他既真系想扔晒佢! 见到下面有个post话d朱古力一阵雪味, 我果d都有!应该就系果只劣质臭胶味! 真系好差!除左味道之外, d朱古力唔知点解一d光泽都冇, 全部都好暗淡,之前经过间铺2次都冇人, 唔知系咪摆左好耐! 又冇有效日期, 劲奇怪!唔好俾我知果盒野几多钱, 我一定唔会叫朋友仔帮衬!以后都系买返有牌子既朱古力好了! 免得失望!