影片
更多
2017-10-01
3268 浏览
早几日闰蜜约食饭，佢拣咗清水湾道一间新餐厅St.Barts，我哋想早d食所以6点半左右去到，餐厅几干净企理，当然啦新开𡃓，客人好似得一枱，可能时间太早，入到去个女侍应安排门口两张枱俾我哋拣，好怪啫入面大把位，我话怕蚊就坐第二张枱。佢好亲切咁问我哋想唔想食牛，我问d牛边度嚟？然后佢又好专业咁话食牛唔系睇边度嚟，系睇每日边个部位最靓！大家知唔知佢讲紧乜？d牛系九龙定新界都唔敢讲俾人听。我哋㸃咗Quinoa Salad，个沙律好大份食完都饱九成，d quinoa系杂色果种，同d石榴开心果拼埋一齐好有咬口，加埋d新鲜杂菜，烧过嘅希腊芝士，味道口感十分配合，好正！然后个Penne Arrabiata，d pasta真系好al dente下，我就覚得太硬一路食一路顶住个胃，不过朋友就话咁先啱，咁各人口味唔同，唯一共识就系唔够酱干𠲜𠲜咁同埋唔够辣，我哋后尾食唔哂攞走返屋企再煑过。主菜系BBQ Wagyu Short Ribs，唔好问嚿牛边树㗎？因为冇人讲解过，间餐厅系澳洲老细，和牛都系澳洲货呱？件牛肋骨好大件下，底下煎嘅薯饼已经淋哂唔脆，当然啦整好咗等好耐先出餐当然淋哂，牛肉味道来自腌料酱汁，炆得够
佢好亲切咁问我哋想唔想食牛，我问d牛边度嚟？然后佢又好专业咁话食牛唔系睇边度嚟，系睇每日边个部位最靓！大家知唔知佢讲紧乜？d牛系九龙定新界都唔敢讲俾人听。我哋㸃咗Quinoa Salad，个沙律好大份食完都饱九成，d quinoa系杂色果种，同d石榴开心果拼埋一齐好有咬口，加埋d新鲜杂菜，烧过嘅希腊芝士，味道口感十分配合，好正！
然后个Penne Arrabiata，d pasta真系好al dente下，我就覚得太硬一路食一路顶住个胃，不过朋友就话咁先啱，咁各人口味唔同，唯一共识就系唔够酱干𠲜𠲜咁同埋唔够辣，我哋后尾食唔哂攞走返屋企再煑过。主菜系BBQ Wagyu Short Ribs，唔好问嚿牛边树㗎？因为冇人讲解过，间餐厅系澳洲老细，和牛都系澳洲货呱？件牛肋骨好大件下，底下煎嘅薯饼已经淋哂唔脆，当然啦整好咗等好耐先出餐当然淋哂，牛肉味道来自腌料酱汁，炆得够淋，酱料味道唔错，后尾食净都拎走。
其实食物我无乜特别要补充，因为来去只系试咗三样嘢。睇价钱都唔算平喇每人三佰几，但收得咁嘅价钱服务就好有问题喇！全塲有三个服务员，一个系bar枱，一个企门口，另一个就系刚才落单果位好专业嘅女仕。我哋坐低无几耐第一枱客就走，得番我哋两个客人，开始食沙律，然后另外两个客人嚟度就坐门口即我哋隔离张枱，由我哋食紧到食完到饮到d水一滴都无，个女侍应一直企系我隔离面向另一枱客人一直吹水！鸡啄唔断企咗至少廿分钟！期间厨师走到厨房门口望咗第次，相信系睇下其余嘅嘢上得未，我哋等极个女侍都唔转身最后向bar枱位男侍招手，先极速上埋其他嘢同埋斟水。我真系少见多怪，未见过咁嘅格局餐厅会系咁嘅服务，你话私房菜茶餐厅街坊小店同客人打成一片就话啫，虽然bar枱戴眼镜哥仔好亲切好有礼貌，但系我自己就无乜兴趣再嚟喇，乜都好。。。
张贴
