牛車水海南雞專門店 (好景商業中心) (已結業)

今日做嘢做得晏好鬼肚饿，晏d又要上堂做运动，一于食个饭饱肚顶肚d呢间海南鸡成日经过但未试过帮衬，今日谂住俾一次机会。睇左个餐牌大部分都系鸡饭，于是我就拣左个海南鸡饭，价钱都好经济，$38送埋例汤，之后有三个酱汁。返到公司即是开个汤黎试试，好淡好淡，似例水多过例汤，其实都无乜味可言。之后试下d海南鸡，虽则唔鞋但系零鸡味，酱汁普通，酸辣汁好一般，最大镬系咩，就系佢d饭系硬嘅！但佢唔系粒粒都硬，佢系一啖饭里面食到几粒系硬，唔知佢系未煲熟定放得耐，我明白呢个价钱都唔好要求太多，但系饭呢d最基本嘅嘢都搞成咁，食到我个胃而家银住银住不可一，不可再！