滿記甜品 (已結業)

行完街就同女朋友去左食甜品，因为知女朋友钟意食士多啤梨，就带左去呢间食，因为见佢有期间限定既草莓甜品。入到去坐低就好快叫左一个草莓糯米糍同一个草莓豆腐花。等左一阵就有得食，个卖相真系唔错，几靓。首先讲下个糯米糍，皮有少少厚，不过胜在够软，而皮入面就有一粒草莓同豆沙。草莓就够甜，唔太酸，配上豆沙都唔会太过腻。而个草莓豆腐花就更加好食，草莓够多够甜，再配上草莓雪糕，口感一流。豆腐花味道刚刚好，唔会太过甜，成个甜品既感觉好清爽，唔会食完就觉得好饱既感觉。如果下次得闲既话都会再食多一次，因为真系几唔错。而且价钱又唔算贵。