漁釧 (已結業)

喱间食日本嘢嘅门面都几有日本风格嘅。出面重有短片介绍吓佢d食材系喺日本边度嚟，咁d客喺出面等紧位都唔驶咁闷啰。𠮶日同朋友到达门口，竟然两三分钟都唔见有人登记同带位，我地重以为好似快餐店大XX咁要自己入去揾位添，后来终于有人出嚟问几位啦。食饭时候都等左成半个钟至有位。入到去，见倒d装修真系几有东洋风味，但除左几张四人位外，其他位都几迫吓，冇乜私隐，讲乜隔离都听倒，同女友谈情就唔多啱喇玉子烧都唔错嘅，清淡食材中煮出风味。喱个所谓豆腐我就嫌佢太斋啰，唔见有乜特色。牛油焗带子都泡制得唔错嘅。热度够，调味都掂，带子都算几嫩滑。本来系要鸡串，落左单一阵至番嚟话冇鸡，好彩改左豚腩串都几好味，稍焦而有口感嘅外层又能保存倒入面肉汁嘅鲜味。两类手卷数量搅乱左，要攞番入去换番。天妇罗太靱又冻唔多好食。呢个吞拿鱼手卷亦都系一般般。呢个沙律卖相唔错，食材舖排用心，清清地做吓前菜都0K嘅。大致上呢间d野都算几好食嘅，但服务水平就差dd啰，上菜又有d混乱咁喇。