廣記粥店

营业中

休息中

估唔到!! 食咗十几年!! 由未搬上嚟新街市前嘅铁皮档，到今时今日有两个档位，每日劲多街坊帮亲嘅旺舖，虽然佢系出品比较粗糙，食物质数唔算系好，D粥又唔系煲得好棉，肠粉皮厚过河粉，D肉又落劲多松肉粉! 但系十元八块，真系平成咁嘅街坊价，唔通俾翅你食咩!但系最估唔到，我今日竟然俾人闹! 我只身走到收银，叫一碗柴鱼花生粥同一碗肉片粥加其他两样嘢，阿姐回覆"柴鱼鱼片"，我回覆"应该系鱼花生同肉片粥"。攞嘢食时佢俾真系俾错鱼片粥我(正确嚟讲佢真系落错单)，我都无话佢错，只系细细问咗一佢"呢个系咪我嘅?"，个收银阿姐立即冲过来话闹我叫错嘢，我将以上嘅落单对话讲返一次佢听，佢就同煮粥个阿姐讲话再整过俾我，叫我攞住D先，转头再返嚟攞肉片粥，煮粥阿姐已经开始闹!! 咁都叫错，明明叫错又唔要.......喋喋不休!! 但又系最估唔到，我两分钟之后返转头碗粥，竟然再俾煮粥阿姐闹返同一番说话!!系咪依家发咗达，巴闭咗，所以可以杂闹客呀? 本来想买多个炒米粉外卖，但食到一肚气，废事又俾人闹多次，过隔离买其他嘢算数，以后都唔会再嚟，反正联和墟大把好嘢食。