影片
更多
2011-11-20
48 浏览
序因为有事所以去左坑口, 见肚饿就周围揾野食, 见和花亭唔系太多人就决定食呢间野,点知企响门口完全冇人理我, 有个著橙色制服女职员见住我企响门口, 仲要系对望果只,佢都完全冇反应继续执枱唔理我, 等左差唔多成 2 分钟先有人问我几位, 好似唔忧做咁...食物好啦, 之后剔左 4 碟三文鱼寿司、2 碟三文鱼腩寿司、1 碟酱烧牛肉火炙寿司、2 碟五目腐皮寿司、芝麻酱凡立贝寿司、乜乜六味三文鱼寿司、腐皮三文鱼 + 三文鱼子军舰寿司、炸芝麻鸡翼同埋一罐可乐。首先三文鱼寿司简直不知所谓, 旧三文鱼系暖架! 好似摆左劲耐出黎咁!大佬! 你话响回转带既就话姐, 但系我 order 架㖞?! order 都系暖既 ?!跟住就系三文鱼腩寿司, 三文鱼腩 ok 靓仔, 食落亦都唔会好似三文鱼寿司咁系暖既,起码真系够肥美, 新鲜。轮到酱烧牛肉火炙寿司, 呢款寿司真系整得唔错, 多肉汁同埋肉好嫩, 系一款有 d 水准既作品。到炸芝麻鸡翼, 亦都系本人推介之一, 味道岩岩好, 又够香脆, 但略嫌鸡翼唔够大只。五目腐皮寿司、腐皮三文鱼 + 三文鱼子军舰寿司味道一般, 食落好滞同埋感觉好干, 好唔抵食。火灸咖喱三文
因为有事所以去左坑口, 见肚饿就周围揾野食, 见和花亭唔系太多人就决定食呢间野,
点知企响门口完全冇人理我, 有个著橙色制服女职员见住我企响门口, 仲要系对望果只,
佢都完全冇反应继续执枱唔理我, 等左差唔多成 2 分钟先有人问我几位, 好似唔忧做咁...
食物
好啦, 之后剔左 4 碟三文鱼寿司、2 碟三文鱼腩寿司、1 碟酱烧牛肉火炙寿司、
2 碟五目腐皮寿司、芝麻酱凡立贝寿司、乜乜六味三文鱼寿司、
腐皮三文鱼 + 三文鱼子军舰寿司、炸芝麻鸡翼同埋一罐可乐。
首先三文鱼寿司简直不知所谓, 旧三文鱼系暖架! 好似摆左劲耐出黎咁!
大佬! 你话响回转带既就话姐, 但系我 order 架㖞?! order 都系暖既 ?!
跟住就系三文鱼腩寿司, 三文鱼腩 ok 靓仔, 食落亦都唔会好似三文鱼寿司咁系暖既,
起码真系够肥美, 新鲜。
轮到酱烧牛肉火炙寿司, 呢款寿司真系整得唔错, 多肉汁同埋肉好嫩, 系一款有 d 水准既作品。
到炸芝麻鸡翼, 亦都系本人推介之一, 味道岩岩好, 又够香脆, 但略嫌鸡翼唔够大只。五目腐皮寿司、腐皮三文鱼 + 三文鱼子军舰寿司味道一般, 食落好滞同埋感觉好干, 好唔抵食。
火灸咖喱三文鱼、芝麻酱凡立贝寿司;火灸咖喱三文鱼味道算唔错既, 咖喱味唔太辣, 味道吸引, 咬落都算多汁。
芝麻酱凡立贝寿司可以话系大件抵食, 芝麻酱既香味加上大大件凡立贝, 好味道!
最后果个乜乜六味三文鱼寿司, 顾名思义系六旧唔同味道既寿司,
但系我觉得只系普通配搭... 其中一旧系整左一 "pat" XO 酱上去, 味道完全唔夹...
其他果 d 都只系麻麻, 冇咩特别。
服务
d 仔既服务都唔错既, 有笑容又有礼貌, 但系 d 女既服务就真系麻麻地,
冇笑容都算仲要讲野冇黎精神, 我坐低之后茶都冇杯,
系我落单果阵先有个男仔发现茶都冇, 所以即刻斟杯比我...
之后我最不满既系, 你 22:00 Last Order, OK 冇问题...
但系你 22:07 就走黎问我「豉油同芥辣仲要唔要, 我地要洗野」
下?! 唔系卦... 我枱面 d 野食仲有咁多都未食晒, 你就赶住收工咁款要收野...
我真系食得好唔 enjoy 啰... 好似比人催你拿拿临食晒佢唔好阻收工咁...
呢 part 我真系好激气...
环境
呢间野其实冇咩环境可言, 装修一般啦... 但系可见有 d 位日久失修, d 墙都甩油,
有 d 碎片「吊吊 fing」, d 豉油碟又崩崩地, 连份 menu 烂溶溶都冇人换啊阴公!
整体其实以前有帮衬过下, 都唔觉得咁差... 但系而家真系觉得好唔得啰...
连基本既服务态度都冇, 仲敢胆死收加一服务费... 请问 d 服务去左边?
最后本人用左 $365.2 去买左呢个教训... 下次再去东港城, 都系去佢隔离间和民算啦...
我相信我唔会再帮衬呢间野...
张贴
