板上 (D2 Place) (已結業)

系附近工作左咁耐，对呢间餐厅都算几熟悉，食过好多次咁。事关位置于D2place当中，呢间都已经算系比起同场既其他餐厅便宜，而且性价比都算高，所以午市时间都比较多人，很容易就满座，而且以自助形式找位置，要食就要快快来到🙈餐牌选择唔算多，大概十款咁，大部分都系便当类，不同既肉类去配搭珍珠饭咁，但都有两款汉堡餐配脆薯皇既，整体价钱$4x-7x咁，如果饮汽水或者热饮，一般都系免费☺️👍🏻 平日我食开佢个照烧鸡肉珍珠饭便当既，今次就偶尔试下新意思，食下安格斯牛肉汉堡配脆薯🍔🍟🍹仲好贪心仔咁加左块咖哩可乐饼🍘老实说，汉堡肉算系中规中矩，不算好juicy但又唔系干争争，配上生菜、蕃茄、芝士，再加些许沙律酱，算系中庸之道啦！脆薯皇就好够热、而且系香脆同埋唔㶶，虽然话好难会整得唔好，但事实上有好多地方都系炸得好求其，㶶或淋、唔够热、炸到痴埋一旧咁既都大有人在，呢个算系炸得几好☺️☺️ 至于可乐饼，加$8就有一件，啫系咖哩薯饼咁，咖哩味一般般，但系香脆表皮入面既薯泥好滑，系我喜欢既味道，次次黎食都会加🤤🤭下次想试💁🏼‍♀️柚子酱油烧极黑豚配珍珠饭🍱试下唔好次次都食照烧鸡🙈