Food Garden ETC (已結業)

D2 Place系荔枝角其中一个蒲点，因为里面除咗有好多小店俾港人创业机会之外，亦不乏好多非连锁式嘅优质食肆，今日就同一个朋友去到位于D2 Place嘅西餐厅Food Garden食lunch。呢度嘅午餐虽然只有好简单嘅七款食物，但系已经包含咗有牛、猪、鸡、鱼，又有汉堡、意粉、仲有素菜可供选择，跟餐嘅鲜果冰茶仲冇额外收费添！我就最钟意食沙律，呢度嘅沙律除咗有一般常见嘅各类沙律菜之外，仲特别加入咗藜麦，配上少许橄榄油同黑醋汁，好味得嚟又份外健康。朋友就拣咗要餐汤，呢个系南瓜甘笋汤，仲配埋一块卜卜脆嘅多士，牛油系软身牛油，所以非常香滑。我哋就拣咗牛扒，餐牌话牛扒系八安士，但唔知点解我觉得好似特别大块咁😅，仲有焗新薯同杂菜伴碟。餐牌上书名呢度嘅牛扒一般会烹调至五成熟，如果有其他要求亦可以主动提出，所以我就有要求要七成熟。切开牛扒系我心目中想要嘅生熟程度，肉质仍然粉嫩，起初切嘅时候见到有一条根，都有担心过佢嘅肉质，但食落牛扒仍然系十分淋身，又有肉味，我就好喜欢！餐牌上有龙虾意粉，我以为都系类似小龙虾仔再加龙虾汁之类嘅意粉啦，原来一上枱真系劲有惊喜，竟然系有半只龙虾，仲要个头劲多膏，食到我哋心心