滋味屋日本家庭料理 (已結業)

D2 place二期比较多贵餐厅，比较少去一期，所以今次去一期睇下有咩食。早排系Openrice见到有呢间日本餐厅，所以谂住嚟试吓。本身以为同一般日本便当无咩分别，仲可以买便当外卖，点知堂食又几好味。餐厅环境比较开扬，啲枱櫈都系开放式。-温泉蛋鳗鱼饭见到有吉列猪扒饭都几吸引，但系惊热气，所以都系拣返鳗鱼饭。碗饭一上枱个阵好热辣辣，特别之处系，鳗鱼唔系原条咁上，而系切成碎粒。仲有一只温泉蛋，做到流心嘅状态。最正系温泉蛋口感偏凉，但鳗鱼饭好热， 一温一凉加埋个口感好特别。鳗鱼粒同酱汁啱啱好，送晒成碗饭都无问题。整体都令我觉得好惊喜，可惜大部分鳗鱼粒有骨，如果可以改善呢样野就完美啦。-车仔绿茶跟餐可以拣汤或者茶，当日我就拣咗热茶。后来同事讲我先知道车仔绿茶都唔系平嘅货色，原来佢哋嘅用茶都几讲究，但系个人认为茶味偏淡，冇乜绿茶香。