Little Break Coffee & Kitchen (已結業)

抵食指数：🎀环境：🎀🎀🎀回头：🎀🎀（最高分5个🎀）约个朋友见面饮杯咖啡，见到D2 place ONE后面个条街有呢间好有文青feel既cafe，于是决定入去试下。由于今次只系揾个舒服既地方倾下计，所以只系点左甜品加咖啡。环境方面，Cafe 以白色为主调，简约的设计配木色家私，好岩打卡。70%魔鬼可可熔岩配云呢拿雪糕 $79朋友减紧肥但又为食想食甜品，于是拣咗冇咁邪恶嘅70%朱古力心太软，唔太苦好易入口，成功做到流心既效果👍🏻 草莓乳酪芝士蛋糕 $61呢个芝士味/乳酪味都好淡，似士多啤梨慕丝蛋糕多啲，个饼底有啲散，所以如果钟意食芝士蛋糕嘅唔太推荐呢款。Americano $30其实入到黎已经闻到好香既咖啡味，于是点咖啡豆味会比较突出既americano，我同朋友一人一杯，咖啡味够浓，唔会苦涩，值得一赞。咖啡属于合理价钱，但甜品认真有点贵，做得又不算很出色，所以不太值这个价钱。但环境同咖啡都值得一赞，下次都会想试下佢地既主菜。