Chill Vietnam Cuisine and Bar

营业中

休息中

去完D2Place睇戏，见到有间越南餐厅又试下先。 家乡煎墨鱼饼：色泽呈金黄色，墨鱼肉结实有弹性，口感Q弹。 香茅虾棒🦐：香茅虾棒用咗个秋千挂架盛载住，玩味十足。虾滑爽口弹牙，虾胶中心亦渗著淡淡香茅嘅味道。 黑糖椰青烧豚肉串🐖： 豚肉肉质鲜嫩多汁， 肥美可口，烤嘅程度恰到好处，配合埋新鲜椰青肉同埋黑糖酱汁，份外香甜。 牛板腱火车头杂锦牛河：食越南菜必点嘅火车头，材料包括牛板腱🐮、牛丸、牛栢叶，十分丰富，汤底充满浓郁嘅牛骨味，河粉爽滑，另外加上青柠，令整体味道更添层次。 椰汁叻沙叶烩青口伴炸油条：呢个菜式卖相非常特别，个油条系用一个挂架挂住，然后比你剪开个油条点汁嚟食。个汁椰香味十足，青口非常新鲜饱满，令人非常有惊喜。