Food Garden ETC (已結業)

D2Place虽然位于荔枝角工商厦区，附近亦只得D2Place 一期同二期，较为单调，但经罗氏集团的细心规划同活化，确实令D2Place生息不少，更吸引到一众年轻一辈到依度游览同揾好嘢食。上星期六我亦到去咗D2Place、除咗行商场，同去CGV睇戏，当然唔少得食好嘢啦。今日就想同大家分享一下D2Place 一期3楼嘅Food Garden ETC。Lunch Set 价钱一啲都唔贵，去到美国牛肩肉同加拿大猪鞍架都只系$138，仲有餐汤或沙律、同埋饮品。店铺阔落、坐得都好舒服。前菜：是日餐汤系南瓜汤、餐汤附有餐包。餐包入口有香草味，平凡得嚟有特式。南瓜汤味道适中。藜麦田园沙律 - 沙律菜好清新，再配合好健康嘅藜麦，一个唔错嘅沙律。主食：其实主食都算多选择，猪、牛、鸡、鱼、龙虾、素食；意粉、汉堡等等。我哋就点咗美国牛肩肉同加拿大猪鞍架。美国牛肩肉 - 餐厅预设五成熟，客人可按自己喜好而要求调整。我就keep返五成熟。美国牛肩肉煎得好靓、建议大家先食配菜，等牛肩肉rest一阵。配菜嘅西兰花、脆肉瓜等有落蒜蓉烹煮、食落唔好觉得淡味。牛肩肉一切开，即见外脆内嫩嘅粉红色、封煎得好好，牛肉味亦好香。