影片
更多
2017-01-06
1769 浏览
嚟到旺角山东街嘅Day and Nite by Master Kama。稍早前卷起一股龙虾包热潮，有关食店相继开业，呢间就系其中一员。店入面嘅色调系浅蓝同白色为主，墙上仲画咗龙虾图案，不过距离太远，加上当日餐厅食客几多，走来走去嘅话好似唔太恰当，所以只系由远处影下相咋。卡位旁边系一列玻璃窗，向出面望系波鞋街街景。餐牌封面用咗多个唔同设计嘅logo合并而成，玩味十足。翻一翻内页，原来除咗西式菜式外，餐厅亦有串烧、乌冬等等日式食物供选择，呢个真系有啲意想不到。然而呢次我哋系为龙虾而嚟，所以主力试相关菜式，另加两杯饮品。只碟印咗唔同图案，简单但几靓。想试Unicorn Dream，浅蓝同粉红色咁睇落好梦幻，不过应该系杯色素为主嘅饮品，啱啱好见附近有台叫咗Cookie & Mint，个样望落都几靓，配搭亦好似比较啱口味同稳阵，于是就试咗佢。浅绿色嘅薄荷沙冰打得细碎，入面仲有几多曲奇碎，甜度恰好，最顶层仲用咗oreo夹心曲奇同薄荷朱古力点缀。众多款饮品好似系为咗女仔而设，好多都系以外观为先，就试咗已经算系冇咁花巧嘅Mint Lemonade，沙冰夹杂咗打碎嘅薄荷叶，柠檬味稍淡，但薄荷味浓郁，既提
嚟到旺角山东街嘅Day and Nite by Master Kama。
稍早前卷起一股龙虾包热潮，有关食店相继开业，呢间就系其中一员。
店入面嘅色调系浅蓝同白色为主，墙上仲画咗龙虾图案，不过距离太远，加上当日餐厅食客几多，走来走去嘅话好似唔太恰当，所以只系由远处影下相咋。
卡位旁边系一列玻璃窗，向出面望系波鞋街街景。
餐牌封面用咗多个唔同设计嘅logo合并而成，玩味十足。
翻一翻内页，原来除咗西式菜式外，餐厅亦有串烧、乌冬等等日式食物供选择，呢个真系有啲意想不到。然而呢次我哋系为龙虾而嚟，所以主力试相关菜式，另加两杯饮品。
只碟印咗唔同图案，简单但几靓。
Cookie & Mint、Mint Lemonade
16 浏览
1 赞好
0 留言
众多款饮品好似系为咗女仔而设，好多都系以外观为先，就试咗已经算系冇咁花巧嘅Mint Lemonade，沙冰夹杂咗打碎嘅薄荷叶，柠檬味稍淡，但薄荷味浓郁，既提神又无负担。
侍应推介龙虾汇套餐，可惜我唔太想食乌冬，于是决定散叫两款菜式。烤蒜蓉牛油龙虾，拎到出嚟已传来阵阵香气，卖相极为吸引。
半边龙虾上洒有蒜蓉等等，烤得刚好嫩滑唔韧，蒜蓉令龙虾肉更鲜甜，而且仲有唔少肉汁，亦无任何雪味。
龙虾包
25 浏览
0 赞好
0 留言
龙虾包
18 浏览
1 赞好
0 留言
两款菜式嘅木板上都跟咗一瓣烤柠檬同一小碗柠檬牛油，唧少少鲜柠檬汁就可以提味，柠檬牛油就creamy微咸，淡口得嚟又有啲似芝士酱，用嚟蘸龙虾肉食都唔错。
杂菜沙律就有樱桃萝卜、车厘茄、紫椰菜、紫生菜、菊苣同有啲似苋菜嘅小叶菜，上面洒咗啲睇落系即磨嘅巴马臣芝士碎，仲加咗橄榄油，食落清新爽脆。
双重炸薯条
12 浏览
1 赞好
0 留言
未食过其他餐厅嘅龙虾包，所以未能作出比较。不过第一次试，印象都唔错嘅。
张贴
