黑木亭-お食事処 (玉成大廈) (已結業)

开始生日之星，当然要食好少少，同个朋友仔约埋去食日本野，巧开心呢！好，坐低睇吓有咩好食先。青红苹果丝蟹籽沙律，个沙律好多酱，上面仲有海量蟹籽，超吸引！唐扬小池鱼，呢个鱼仔炸脆好香口，里面好有肉，啲鱼骨脆脆可以食埋架。DIY寿司刺身盛，呢个有得食又有得玩，可以用紫菜包住饭、樱花鱿鱼、芥末八爪鱼、三文鱼子，自己动手做寿司。刺身颜色光鲜，每片厚度好一致，食落好鲜甜。A5黑毛和牛串，呢个好味味，个牛咬落去，啲肉汁爆岀黎，和牛脂肪入口即溶嘅口感，只系少许黑椒调味已经好正！另外仲叫左蒲烧烧鳗鱼串、冲绳黑糖烧菠萝。