影片
更多
2016-01-13
348 浏览
朋友好钟意食章鱼烧，知道呢间餐厅有得自己DIY 时就叫我陪佢黎，起初听到餐厅名时仲以为系一间日式居酒屋，黎到见到menu后先知原来系一间日韩餐厅。呢间餐厅位于骆克道，介乎两个地铁站之间，铜锣湾站行过去都只不过系5分钟左右。我地叫左一个DIY 小丸子，一个石锅猪肉泡菜饭同埋一份韩式炸鸡。DIY 小丸子: 叫完DIY 小丸子之后，店方会提供所有道具同材料，材料包括泡菜，洋葱碎，红萝卜粒，同埋章鱼粒，钟意几多落几多。做法好简单，店员首先会系个模上涂上油，油滚后，落面粉浆，再落食材，等面粉浆定型后再落多少少浆，等佢慢慢转至颜色金黄即成。成个过程中，店员都会好用心示范，到我地落手时真系玩开心过食，真系满足到贪玩既我地，整得靓仲好有成功感添。一粒一粒圆碌碌既小丸子就成形啦，上碟后再加上木鱼丝同其他酱汁即成。小丸子外脆内热，味道相当不错，粉浆又唔会过厚，好味道。石锅猪肉泡菜饭: 锅好热，加上我地花左大量时间系D小丸子到，所以D饭都变成饭焦，不过石锅饭既材料好多，有芽菜，菠菜，猪肉同泡菜，D饭细细粒，香口既芝麻再加上韩式辣酱，捞埋一齐食真系好好味，仲香气十足，店员见我地忙紧整小丸子仲帮我地捞埋，真系好
呢间餐厅位于骆克道，介乎两个地铁站之间，铜锣湾站行过去都只不过系5分钟左右。
我地叫左一个DIY 小丸子，一个石锅猪肉泡菜饭同埋一份韩式炸鸡。
DIY 小丸子: 叫完DIY 小丸子之后，店方会提供所有道具同材料，材料包括泡菜，洋葱碎，红萝卜粒，同埋章鱼粒，钟意几多落几多。做法好简单，店员首先会系个模上涂上油，油滚后，落面粉浆，再落食材，等面粉浆定型后再落多少少浆，等佢慢慢转至颜色金黄即成。成个过程中，店员都会好用心示范，到我地落手时真系玩开心过食，真系满足到贪玩既我地，整得靓仲好有成功感添。
一粒一粒圆碌碌既小丸子就成形啦，上碟后再加上木鱼丝同其他酱汁即成。小丸子外脆内热，味道相当不错，粉浆又唔会过厚，好味道。
石锅猪肉泡菜饭: 锅好热，加上我地花左大量时间系D小丸子到，所以D饭都变成饭焦，不过石锅饭既材料好多，有芽菜，菠菜，猪肉同泡菜，D饭细细粒，香口既芝麻再加上韩式辣酱，捞埋一齐食真系好好味，仲香气十足，店员见我地忙紧整小丸子仲帮我地捞埋，真系好，唯一美中不足既系猪肉份量太少，仲好似唔多觉眼。
韩式炸鸡: 落单果时以为系炸鸡件，上菜时先知系炸鸡扒，炸得尚算香脆，值得一赞既系佢地切埋件俾你地，方便进食，上面仲放左大量沙律酱，里面仲有少少薯仔粒，不过我会建议餐厅将酱汁分开上，咁就可以配合到唔同口味既客人。最可惜既系我地真系顾住玩个小丸子，搅到D炸鸡冻晒先食到。张贴
