米線陣 (加拿芬廣場)

营业中

休息中

米线阵系大家乐集团既，想来一餐经济既就算，点知都有惊喜㖞。讲紧既系依个$58 DIY 黑椒肥牛石锅烧。可以要乌冬或即食面，包饮品，记住特饮都可！一上菜系咁既，肥牛都算多架，黑椒一早系入面，加少少配菜，无汤，就系咁煲住。开始时都惊煲㶶d乌冬，但原来系食捞乌冬。所以有三个配料。我哋跟咗推介食法。首先将粟米、五香肉丁捞落去食第一转先。芝士第二转先加落去。捞咗就系咁。捞完乌冬好入味同辣，但黑椒味仍然香口同唔会俾五香肉丁既辣盖过。好野味。就连肥牛都辣辣地，而且无根又唔鞋十十，好好味。食到咁上下就可以捞芝士啦。咁又系另一番风味，好香芝士味，但又唔会腻，因为黑椒同五香肉丁汁中和咗。另一个就清清地既鱼腐蟹棒萝卜米线 $38。要讲既系萝卜好入味，而且好多汁，唔通煲得耐所以吸晒d汤汁？至于鱼腐蟹棒就不过不失啦。饮品叫少冰，但冰多都吓死人！所以依杯冬青柠薏米水其实淡如水，只有食o个d薏米先有味啰。你话清清地又得，你话俾d冰整淡咗都得。我估d薏米同块青柠都值加你$5既。