The Captain's House (已結業)

尖沙咀依间「The Captain’s House」最出名嘅就系佢嘅Seafood Platter嘅海鲜、酱汁可以任意配搭，咁就实啱大家嘅口味，不过菜式定价比较进取。*此餐厅收取加一服务费。Seafood Platter Combo A （单点$418），鲍鱼肉质弹牙，食落有鲜味；扇贝略嫌肉质比较瘦削，味道鲜甜；海虾肉质爽口，食落好新鲜；司华力肠食落好Juicy；粟米味道香甜；马铃薯口感绵密，配以柠檬胡椒酱汁食用，食落好香口，味道微酸。Black Truffle And Mushroom Linguine（单点$118），表面铺有巴马臣芝士、豆苗、香草，杂菌为白蘑菇，配料包括有洋葱、青葱、香蒜，扁意粉食落好Creamy，略嫌酱汁黑松露味道偏淡，主要剩系食到忌廉嘅味道。Virgin Sangria （单点$68），表面铺有菠萝、香橙、青苹果、红苹果，采用西柚汁、橙汁、姜味汽水制作，饮落好清爽。Pure Spring （单点$68），表面铺有薄荷叶，采用有气辣姜啤、柠檬汁、Mojito糖浆制作，味道酸甜。