噹噹牛涮鍋 (已結業)

每次同一大班朋友出街食饭一定系食放题火锅或者日式放题。贪佢有得坐够耐，慢慢倾吓计，而咁啱知道呢一间餐厅新开张，做紧澳洲和牛放题半价优惠就即刻喺OpenRice book咗枱。每人折后都系$164，非常抵食。汤底有五但选择：鲣鱼清汤、寿喜烧浓汤、简芹麻辣汤、茶树菇鸡汤、车打芝士蕃茄锅。任食嘅澳洲和牛牛肉切得非常之薄，所以系真系涮涮锅，烫5秒其实已经熟。都系靓嘅雪花牛肉，油脂分布非常平均。不过普遍朋友都系话佢豚肉仲好食过牛肉，大家又可以试吓去评价下。其他配菜等方面有一般嘅丸同埋蔬菜，其实选择亦都非常足够。甜品系一个香港品牌嘅自家制雪糕杯，有云尼拿、芒果、海盐等味道。每人埋单$200有找，任食120分钟，今时今日我觉得系超值。呢一间新餐厅感觉到佢都非常之用心去改善每一方面。见番佢第一个食评同埋今日嘅比较，都见佢有改进，要值得支持。