Donbini

营业中

休息中

Donbini位置在荃湾Aeon里面既Food Court，提供多款平靓正日式地道丼饭、蛋包饭、定食、风味小食、饮品，每个月仲会推出唔同既优惠，冷泡茶配餐价只须$9，非常抵食。三拼薯饼：有齐三款唔同口味薯饼，炸到金黄色，新鲜酥脆，咖哩味道浓郁、紫薯味道香甜、南瓜粟米味道软糯。腐皮饺子：腐皮包住豚肉和鸡肉既馅料，腐皮索满丰富肉汁，充满日式风味。温泉蛋酱油牛肉丼：牛肉份量几多，肉质软腍，放左好多洋葱去煮，酱汁唔会太咸，入口带甜甜地既味道，加埋半熟温泉蛋，捞饭一流。蒲烧鳗鱼定食：配半条鳗鱼、白饭、味噌汤、鱼干、薯仔沙律、腌萝卜。鳗鱼厚肉肥美，有微微炭香味道，甘香滋味。红豆白玉汤：白玉入口Q弹，红豆汤甜而不腻。总结，食物即叫即做，方便又美味，服务员态度诚恳，值得推荐。