杯中物

营业中

休息中

果日同朋友系旺角行街， 见同朋友行街行到肚仔饿， 有啲啲口痕， 但又未至于好肚饿𠮶只， 于是就去我哋几年前仲系小学鸡时候成日行嘅旺角中心， 用少少嘅价钱换取一阵幸福快乐, 讲紧嘅梗系去食扫街啦。杯中物位于旺角中心1楼， 商场画咗个area出嚟系畀人食小食嘅，果到有高枱可以摆放食物， 咁叫多啲都冇所谓啦。 而且杯中物小食类型款式多， 完全体贴学生的荷包。 今次同朋友就叫咗少少嘢食。芝士肉酱薯条首先叫嘅当然系即叫即炸嘅薯条啦， 呢度嘅薯条系属于粗身嘅， 唔似得连锁快餐店𠮶啲幼身得嚟又软奶奶。 最正嘅系芝士酱唔单止有车打芝士酱而且更有芝士粉， 简直系double享受。 配上甜甜酸酸嘅肉酱，唔会死咸，而且又多多一层味道tim!芝士甜酸辣脆味鸡粒鸡粒size一口一粒， 酱汁甜甜酸酸， 配上少许芝麻在面头，同朋友一路吹水一路有嘢落口都不知几过瘾。椒盐牛柳粒唔想全部食炸嘢当然亦都有选择， 就好似呢个椒盐牛柳粒，牛柳粒香气逼人，肉汁丰富, 系 属于小食类别之中唔系加工食物之一， 都算得上系健康小食㗎。