Double Tree (已結業)

星期五六日黎湾仔船街，除了多人还是多人。有喺湾仔做野既朋友话我知Double Tree既dinner menu好抵玩，所以就黎左试喇👋🏻 一打开menu，五道菜包任食甜品都只系158/位，平过放题多多声，唔怪得咁旺场！主菜方面，我地拣左ribs同猪手：先讲个ribs，肉质几嫩滑，几软腍，唔会烧到干哂，一刀可切到底。而且肋骨肥瘦分明，调味恰如其分，不蘸黑椒汁亦可。加上份量非常足够，配埋意粉一定够哂饱肚👍🏻咸猪手同样大大份，上枱够哂震撼。猪手肉质就比较鞋，但总算咬得落。调味方面几出色，烧汁都黑椒汁都有，任君选择。重点系猪皮咬落非常烟韧，系成道菜最好食既地方！呢度既dinner一大卖点系有任食甜品，由cheesecake, creme brûlée 到火焰雪山都有！但由于我地太饱既关系，一人食左一样就算😂Creme brûlée 系正常水准，唔会过份甜，都几推介。相反tiramisu就可能雪得耐左，唔系好浓味。另外，$158既dinner包埋前菜同汤。烟三文鱼凯撒沙律presentation几好，但略嫌三文鱼可能雪得太耐，有啲冻同淡味😂 餐汤有忌廉、杂菜同龙虾汤拣，正常水平。