鬍鬚仔 (已結業)

推荐程度：平平哋嘅汉堡唔系得老金嘅，其实呢啲小店嘅惊喜重大啦，大家钟意汉堡嘅话，尽管去帮衬啦，屯门同湾仔都有分店！啲炸物全部即叫即炸，脆卜卜，热辣辣！抵食程度：🍔🍔🍔🍔(4/5) 手工汉堡嚟讲呢个价钱抵到烂，质素都系对得起个价！墨西哥脆辣鸡堡🇲🇽🌶🐓🍔辣酱加埋墨西哥辣椒，有双重刺激。加上新鲜热辣炸起嘅鸡扒（小心系热到一啖咬落去啲鸡油可以辣亲𠮶种），食起上嚟个醒神感系100% 。不过如果自问唔太食得辣嘅可能就未必享受到个中滋味喇。四式芝士牛堡🧀🧀🧀🧀🐂🍔钟意芝士嘅朋友真系行过唔好错过！身为芝士爱好者，我不得不讲，佢系令我为之满意！有芝士有芝士酱，系满足嘅感觉！黑松露蘑菇汤🍄🍲呢个系成餐饭嘅败笔之处，虽然应该有嘅味都有，但成个汤好水，重要好细碗，就不禁有少少唔抵饮，要汽水好过嘅感觉咁。咸蛋黄鸡翼🥚🕊蛋黄量好足，同埋佢系即叫即裹即炸。略略差啲咸味，不过唔会特别影响。薯条🍟、薯饼就唔特别写，同鸡翼一样即炸起，调味适中。总括嚟讲值得再帮衬，会想试吓其他包，汤就应该不了。去帮衬嘅手足记得带湿纸巾抹手。