影片
更多
2024-05-28
2113 浏览
芊彩餐厅 World of Color Restaurant 📍大屿山香港迪士尼乐园迪士尼探索家度假酒店2楼中学同学有日喺IG send咗条reel比我，系介绍迪士尼乐园喺春日期间限定推出嘅食品，话好有兴趣去试试。我见大家咁耐无见，而且食物又咁精致可爱，我当然爽快应承。我哋一行三人book咗台系星期日嘅下午，去迪士尼探索家酒店内享用下午茶。呢个主题叫Duffy and Friends春日茶聚嘅tea set主打游各款Duffy and Friends角色造型嘅甜品，亦配有少量咸点轻食，配有特色饮品，除咗好打卡able之外，估唔到食物都有返咁上下水准，做到好睇又好食，价钱亦算贴地，环境开扬舒适，适合同好友亲朋欢聚一下。 💰$300/guest (minimum 2 guests)Duffy and friends春日茶聚 Taste of Sprint Tea Set带子三文鱼子配青豆酱 🐟细细一杯嘅带子三文鱼子配上青豆puree，咬开炸过嘅外壳后，见到粒粒青豆同带子，味道咸咸鲜鲜，加上晶莹剔透嘅三文鱼子，一口咬落口感非常丰富，层次感满满。最重要系青豆味唔难接受，连平时讨厌食青豆嘅朋友都
📍大屿山香港迪士尼乐园迪士尼探索家度假酒店2楼
中学同学有日喺IG send咗条reel比我，系介绍迪士尼乐园喺春日期间限定推出嘅食品，话好有兴趣去试试。我见大家咁耐无见，而且食物又咁精致可爱，我当然爽快应承。我哋一行三人book咗台系星期日嘅下午，去迪士尼探索家酒店内享用下午茶。呢个主题叫Duffy and Friends春日茶聚嘅tea set主打游各款Duffy and Friends角色造型嘅甜品，亦配有少量咸点轻食，配有特色饮品，除咗好打卡able之外，估唔到食物都有返咁上下水准，做到好睇又好食，价钱亦算贴地，环境开扬舒适，适合同好友亲朋欢聚一下。
[价钱 Price]
💰$300/guest (minimum 2 guests)
Duffy and friends
春日茶聚 Taste of Sprint Tea Set
带子三文鱼子配青豆酱 🐟
细细一杯嘅带子三文鱼子配上青豆puree，咬开炸过嘅外壳后，见到粒粒青豆同带子，味道咸咸鲜鲜，加上晶莹剔透嘅三文鱼子，一口咬落口感非常丰富，层次感满满。最重要系青豆味唔难接受，连平时讨厌食青豆嘅朋友都能够轻松KO！
迷你热狗配和牛菠萝莎莎 🌭
令人觉得加分贴心嘅地方，系餐厅会尽量满足食客嘅用餐需要，如有任何敏感或饮食限制，只要同餐厅提出，厨师都会按实际情况考虑，为食客调整餐点。以我唔食牛肉为例，热狗上嘅salsa有以和牛入馔，同店员提出、厨师商讨后，特别安排咗走牛肉嘅热狗俾我。
迷你热狗包用嘅面包软熟但略为干身，不过香草猪肉肠就好好味，配上以菠萝bell peppers调制嘅酱汁，酸酸哋，能中和香肠嘅油份，亦都好醒胃。
烟三文鱼红菜头忌廉芝士 🧀
Cream cheese混入烟三文鱼同红菜头，口感细滑之余，亦有浓香嘅咸鲜味，用脆皮筒包住呈上，外脆内滑嘅口感相当过瘾。
迷你芒果杯子蛋糕 🧁
Mini mango cupcake代表住热爱烹饪同美食嘅Cookie Ann，富有像征性嘅长耳仔同厨师帽都用咗朱古力嚟整，topping mango mousse味道偏甜，配上cupcake做底，整体还原度高，非常可爱。Cupcake size比较迷你，但味道出奇地好食，蛋糕够moist，切开仲有大大粒芒果果肉，好有惊喜！
柚子石榴慕丝蛋糕 🍊
柚子石榴mousse cake还原咗爱解谜、爱探索嘅LinaBell，招牌嘅狐狸耳仔都系用朱古力整成，淡粉红色嘅石榴蛋糕内夹有香甜清新嘅柚子内馅，两者分开食味道都好出色、好出众，但反而配埋一齐食会令到个甜品味道唔balance。饼底做得厚身，好香牛油味，我个人黎讲几钟意。
柠檬棉花棒棒糖 🍭
柠檬棉花棒棒糖一支支插咗系白砂糖杯中，用嚟影相同衬托的确几好，口感唔似一般绵花糖，非常轻盈，亦唔会过份甜腻，近乎入口即溶，不过可能对小朋友会更大吸引力。
云尼拿冬甩 🍩
梦想成为芭蕾舞家嘅甜美俏皮StellaLou，摇身一变成为美味可口嘅vanilla doughnut，长长嘅薰衣草食兔仔耳相当吸睛！耳仔依然系用朱古力打造，插喺mini glazed doughnut上面，云尼拿味唔重，但doughnut几好食。
红莓开心果杏仁挞 🍰
红莓开心果杏仁挞代表喜乐作曲、多才多艺嘅乌龟仔Olu Mel，以松脆的挞皮盛载著浓郁嘅绿色开心果酱，象征住同为绿色嘅身躯，上面放置咗olu心爱嘅ukulele，亦以红莓碎碎同内馅令视觉、味觉更为丰富，酸酸甜甜嘅杏仁挞令人一试爱上。
脆皮粉红色朱古力士多啤梨 🍓
我估心灵手巧嘅ShellieMay应该inspire咗呢个士多啤梨，大大粒又香又甜嘅士多啤梨，沾上更香更甜嘅粉红色朱古力酱，少女感爆棚！
欢聚一刻 Moment of Joy 🍹
特饮有士多啤梨伴蜜瓜梳打，味道refreshing，甜度适中，卖相都几有春日气息。如果唔啱饮，亦可以选择一般餐饮，例如latte、柠檬茶、奶茶之类。
P.S. 公仔不包括在套餐内
张贴
