影片
更多
2017-03-13
1467 浏览
表姨甥女话未试过啲上楼嘅私房西餐厅，啱啱近排从食友嘅食评所见，晌铜锣湾有一家主打法国菜及意大利菜嘅私房餐厅，风评不俗，值得带佢嚟见识一下。餐厅所位处嘅大厦，瑟缩晌霎西街，幢商厦门口又开得细，差啲行过笼。但入到餐厅，又喺另一个世界，走高档格调嘅E Molto Buono，地方唔喺好大，不过，环境甚有气氛，柔和嘅灯光，高椅背皮椅，却有份轻松，唔会让人太拘束。唯可惜喺连少少街景，都被啱啱搭建嘅竹棚挡晒。此外，生蚝又有买一送一优惠，非常抵食，蚝痴就可以尽情食个够，不过，身体状态未喺十足，生蚝暂时未敢掂住。晌FB赞好及分享，就即时有5%折扣，无理由唔要架。听店员讲，以前有散点菜式，不过为咗做得专啲，提高质素嘅稳定性，以及有效控制食材，所以，依家就只有6道菜嘅晚餐供应，由头盘、汤品、小主菜、雪葩、主菜、到甜品，另奉送花茶，定价为$698或$738，视乎主菜选项，睇番啲食材配搭，颇有心思及创意。饮品方面，一大本酒品餐牌，故然有唔少餐酒、烈酒……等等，不过我哋始终都唔喺嗜酒之人，故店员介绍我哋试吓一啲嚟自「法兰西」嘅果汁饮品。White Peach Nectar $78白桃果汁质感比较厚身，店员话如果
餐厅所位处嘅大厦，瑟缩晌霎西街，幢商厦门口又开得细，差啲行过笼。但入到餐厅，又喺另一个世界，走高档格调嘅E Molto Buono，地方唔喺好大，不过，环境甚有气氛，柔和嘅灯光，高椅背皮椅，却有份轻松，唔会让人太拘束。唯可惜喺连少少街景，都被啱啱搭建嘅竹棚挡晒。
此外，生蚝又有买一送一优惠，非常抵食，蚝痴就可以尽情食个够，不过，身体状态未喺十足，生蚝暂时未敢掂住。
晌FB赞好及分享，就即时有5%折扣，无理由唔要架。
听店员讲，以前有散点菜式，不过为咗做得专啲，提高质素嘅稳定性，以及有效控制食材，所以，依家就只有6道菜嘅晚餐供应，由头盘、汤品、小主菜、雪葩、主菜、到甜品，另奉送花茶，定价为$698或$738，视乎主菜选项，睇番啲食材配搭，颇有心思及创意。
饮品方面，一大本酒品餐牌，故然有唔少餐酒、烈酒……等等，不过我哋始终都唔喺嗜酒之人，故店员介绍我哋试吓一啲嚟自「法兰西」嘅果汁饮品。
White Peach Nectar $78白桃果汁质感比较厚身，店员话如果觉得有啲浆口，可以加少少冰，但我就觉得OK，而每口满有桃香，味道纯鲜，饮落清新蜜甜。
Chardonnay White Grape $78表姨甥女就拣白葡萄汁，佢话有种天然果香嘅感觉，葡萄味清淡自然，质感就如一般果汁，无白桃嘅咁杰身。
面包篮落单后，徐徐送上面包篮，一篮有3款面包：芝麻包、意大利香草包及芝士饼干，枱上有黑醋及橄榄油，自由取用。几款包都好食，芝麻包外脆内软充满芝麻香，意大利香草包软绵阵阵香草芳香，芝士饼干脆卜卜带芝士咸香。
头盘、汤品、小主菜各有两款选择，所以，两个人嚟（依等餐厅点都唔会一个人嚟啩）就可以款款试匀。
烟熏法国鹅胸肉配青苹果芝麻沙律两款头盘卖相都好清新，因为以唔少新鲜瓜果入馔。平时食鸭胸食得多，鹅胸又喺点？鹅胸肉切成片铺晌酥片之上，肉质嫩腍味浓，带点咸香烟熏味；配上青苹果粒粒、日式芝麻酱，又有啲青瓜薄片，立时涌出一份清新感。
烟熏法国鹅胸肉配青苹果芝麻沙律
4 浏览
0 赞好
0 留言
香草虎虾肉他他配玫瑰葡萄酒冻，鲜蕃茄莎莎虎虾肉他他唔似得牛肉他他咁剁得咁细碎，保留番粒粒虾肉，入口仍有虾肉嘅爽口感，配上蕃茄莎莎，酸香清爽。旁边仲有啲玫瑰葡萄酒啫喱及蕃茄泡沫，啲啫喱粒食落又真喺有少少玫瑰香味及酒味，至于而3面嘅蓝色珠珠喺橙酒鱼籽，感觉又几得意㖞。
香草虎虾肉他他配玫瑰葡萄酒冻，鲜蕃茄莎莎
1 浏览
0 赞好
0 留言
两款汤品，龙虾汤故然喺法式经典，至于另一款粟子甜薯忌廉汤，听落几特别。其实，早前晌观塘厂厦嘅i kitchen试过一款紫薯蓉汤，都颇有惊喜，所以，今回个粟子甜薯忌廉汤，都有啲期待。
法式龙虾浓汤橙红色嘅色泽，睇落就好对办，先试一口，个浓汤嘅虾味果然超浓郁，完全将啲虾嘅精华融入个汤里面，口感滑溜细腻，虽然汤内无加有虾肉，但一样喺碗高水准嘅热汤。试完两个头盘，饮口热汤，宁舍暖身，顺带一带，头盘过后，汤品、小主菜、主菜所用嘅餐碗或餐碟，都喺先热透才上菜，令𩠌菜嘅热度持久。
法式龙虾浓汤
7 浏览
1 赞好
0 留言
依个甜薯忌廉汤应该都喺用上紫薯，因为汤色泛起淡紫，但就无i kitchen紫薯蓉汤紫得咁劲，皆因成份仲有意大利风干烟肉及栗子，故味道无净得紫薯咁单一，有轻轻嘅栗子香，又有啲风干烟肉粒咬吓，要挑剔就喺个幼滑度差咗少少，无个龙虾浓汤咁好。
蟹肉焗酿大啡菇配巴马臣芝士菠菜忌廉汁跟住落嚟喺Entrée，有人译为小碟或小主菜，先试个蟹肉焗酿大啡菇。个大啡菇里面酿咗好多蟹肉，坚真材实料，丝丝蟹肉多到填满晒个菇顶，入口非常鲜味，仲加入好多巴马臣芝士，够晒香，而且，个大啡菇鲜嫩多汁，就算唔沾啲菠菜忌廉汁都已经好食。
蟹肉焗酿大啡菇配巴马臣芝士菠菜忌廉汁
3 浏览
1 赞好
0 留言
香草红酒烧汁烩澳洲和牛牛脸颊酿酥皮盒本来另一道Entrée喺香煎鹅肝配贵妃酒肉桂烩梨子，但店员话今日有款新Entrée，问我哋有无兴趣试，由于煎鹅肝早前都食过，牛脸颊亦较少食，所以，就不妨试试新嘢。个酿酥皮盒做得成个拳头咁大，以香草红酒烧汁煮过嘅澳洲和牛牛脸颊粒粒堆到成个小山咁，牛脸颊粒十分好食，软腍富肉香，而个酥皮盒亦好酥脆。
蕃石榴雪葩经过两道同样浓味嘅小主菜，喺时候清清味蕾，作为间场喺蕃石榴雪葩，入口蕃石榴味强劲，清爽酸香。
上文都讲过套餐分两个价，视乎拣咩主菜，主菜共有4款选择：焗酿法国鹌鹑、香煎比目鱼、慢煮西班牙黑毛猪及M8澳洲神户牛肉眼，前3者都喺卖$698，而澳洲神户牛肉眼则卖$738，我哋就拣两个较平嘅主菜。
焗酿法国鹌鹑，黑松露意大利饭，配香蒜炒菠菜伴迷迭香烧汁早个多星期晌Chez Moi试过一道「煎焗法国鹌鹑酿巴马火腿、白菌及忌廉芝士」，觉得非常好食，所以，今次见有法国鹌鹑就不暇思索想再试多次。法国鹌鹑焗至金黄，外皮脆到咔咔声，啲肉几咁嫩滑，香蒜炒菠菜换咗藜麦、BB甘笋、车厘茄、露笋……等等，一样健康好食；不过，酿黑松露意大利饭效果麻麻，一来意大利饭啲生熟度好难控制，二来一大堆饭份量实在太重，而且，今次食到嘅饭粒较腍，无晒意大利饭𠮶份咬口感，兼且有啲干，意大利饭喺有啲湿润先好食！
慢煮西班牙黑毛猪梅肉，香辣南瓜蓉，苹果酱配时令蔬菜伴车厘子烧汁西班牙黑毛猪本身都颇有名气，依定亦好普及，选取梅头肉，相信贪其更嫩，以慢煮处理，明显就喺保留肉质软腍及原味，轻轻煎香就已经可以上枱。厚切嘅猪肉，腍滑富肉汁，配苹果酱及车厘子烧汁，可谓各有千秋，前者配黑毛猪多份清新酸爽，平衡肉嘅油脂，而后者以烧汁煮车厘子，伴黑毛猪食，有份香甜味。伴菜仲有辣哋嘅辣南瓜蓉及多种时蔬，非常丰富，仲好饱肚。
慢煮西班牙黑毛猪梅肉，香辣南瓜蓉，苹果酱配时令蔬菜伴车厘子烧汁
3 浏览
1 赞好
0 留言
玫瑰茉莉花茶两道主菜过后，我哋都饱到不得了，唔止菜式多，份量超十足。此时送上花茶，散发幽幽玫瑰花香，饮落宁神消滞。
栗子意大利芝士蛋糕，配士多啤梨脆脆甜品喺大厨指定，咩喺是日甜品，嚟到先知，而甜品唔喺单一味，两客都喺唔同。先试个混入栗子蓉嘅意大利芝士蛋糕，芝士栗子蓉口感十分柔幼细腻，带浓郁栗子香，再配番松脆嘅手指饼，并添上少少士多啤梨脆脆珠作点缀，配搭不俗。
冧酒啫喱，烧菠萝伴椰子雪糕另一款甜品以冧酒啫喱、烧菠萝肉、花生糖及椰子雪糕组合成嘅精致甜点，垫底嘅冧酒啫喱清甜带微微酒香，椰子雪糕好清甜，整体而言，味道同口感都多层次。
6道菜嘅晚餐，食咗两个半钟，一道菜接一道菜慢慢上，让人慢慢细味。虽然除汤以外，所有菜式我哋都喺共享分尝，但同项菜式都会一齐上，喺服务嘅质素，此外，上菜时不时提醒我哋小心碟热，又真喺几熨手。故此，唔单止环境幽雅，又品尝到厨师嘅心思，更体验到店家嘅诚恳服务。
张贴
