上海婆婆 (已結業)

系屯门番左几年工，日日食来食去都系果几间，真系食到厌~~ 日日为左餐晏仔都不知几头痛~~~今日到左放饭时间，同事话要去v city睇下有咩食，见到一间新面孔，就系上海婆婆e间上海菜馆.....听同事话以前唔知系边个广场都有间，但系今次都系我头一次帮衬~~ 点菜都系睇meal~~又古到d野又真系几唔错，叫左4个菜，鱼籽烟熏蛋、桂花蜜汁金沙骨、椒盐小排骨、酒酿丸子加白饭！鱼籽熏蛋都系第一次食，真系古唔到两样野系甘夹~~ 本身个蛋好滑，但就甘食就嫌冇咩味，但加上鱼籽，就系绝配~~ 而个桂花蜜汁金沙骨，金沙骨食唔少，但点桂花蜜汁又系头一回，真系好特别，d金沙骨好入味，d桂花汁好香甜~~ 另外个椒盐小排骨就冇咩特别，但味道都几ok~~ 而我就最仲意个甜品，冻什果酒酿丸子，以前食酒酿丸子成日觉得好单调，但今次加埋水果，一口水果一口酒酿丸子，真系好食好多~~下次食晏又多间选择了~~