武士拉麵 (已結業)

嚟九龙湾国际展贸中心E-Max，除咗睇演唱会睇Show之外，仲可以去行outlet，啱晒A姐又可以有去扫货。不过等咗咁耐，真系要揾个地方医下肚！我哋见到前面有间日本拉面店－－武士拉面，二话不说就入去啦！M佬之选：九州地狱拉面拉面热辣辣嚟到，已经闻到好香嘅辣味。不过入口又唔系好呛喉，系微微嘅辣味，刺激味蕾得嚟，又唔会盖过其他嘅味道，辣味啱啱好！大家仲可以根据自己嘅喜好拣选汤底浓度、拉面粗幼同硬度，我就拣咗浓汤底同普通硬度嘅粗面。特别欣赏半肥瘦嘅日式叉烧，预先用黑椒微微煎香，十分香口。拉面仲有半只糖心蛋、紫菜，真系十分足料！A姐之选：阪上将军拉面A姐话想食健康啲，拣咗蕃茄猪骨汤底嘅阪上将军拉面。汤底有淡淡的蕃茄清香，加上香浓嘅猪骨味，出奇咁夹。粗身拉面挂汤力强，配埋黑椒半肥瘦叉烧，真系好好味。唐扬炸鸡新鲜炸起，外皮香脆可口，鸡肉嫩滑多汁，好Juicy，正！日式煎饺子同样系新鲜煎起，一咬开，肉汁丰富，馅料十足，一啲都唔马虎！