牛摩+ (新都城中心二期) (已結業)

星期六下午，响新都城无无聊聊咁闲逛，大概4点30分左右感觉有啲肚饿，就开始响商场揾食。去到牛摩，时间刚刚系4点50分。职员介绍餐厅午餐时段到5点正，此刻入座依然午市价钱，10分钟后就已经系晚餐价位。即系话，我地心中选择嘅特选美国牛肩胛套餐为例，就会于10分钟内由有HKD135+ 一位变左HKD199+。既然如此，我地就马上决定食个early dinner HKD135啦我地选择左昆布清汤底同埋用草花鸡汤底，两个汤底味道都恰到好处，唔太浓唔太淡👍🏻👍🏻虽然呢个餐属基本级，但美国牛肩胛肉质实在唔错。而最重要嘅系啲火锅配菜种类多，包括几款蔬菜、菇类，仲有苦瓜同冬瓜，当然有不少丸类例如贡丸、包心丸同芝士丸，亦都有乌冬同荞麦面等等。另外，仲有甜品柜内嘅小蛋糕同泡芙，仲有两款雪糕🥰🥰。 整体上餐厅好干净俐落，坐位舒适，服务员都很勤快，系一间值得再嚟嘅餐厅👍🏻👍🏻。