EAT ME Bar & Restaurant (已結業)

嚟到旺角嘅EAT ME Bar & Restaurant。坐咗晌窗边位，睇住闹市夜景食晚餐都唔错。餐厅有二至四人套餐，最后都系决定散叫，试多几款自己想食嘅。某啲散叫菜式可以加$18转做套餐，包沙律同是日餐汤。当晚嘅沙律入面有巴马火腿、车厘茄同杂菜，同埋用芝麻酱调味，都几醒胃。是日餐汤应该系甘笋忌廉汤，都几creamy。烧澳洲T骨牛扒配蒜蓉汁，估唔到仲跟埋意粉。T骨牛扒拣咗五成熟，切开后横切面呈淡淡嘅粉红色，食落软嫩，近筋位就有油香。意粉弹牙，捞埋蒜蓉汁嘅话就仲好食。伴碟有意大利瓜同四季豆，口感爽脆。雀巢薄饼，竹炭饼底薄而脆卜卜，有啲似平时嘅饼干。铺面嘅芝士焗到微焦，当中仲有蘑菇同黑松露，同埋搽咗番茄酱调味。顶层就放咗鹌鹑蛋、车厘茄同火箭菜，运用想像力嘅话都有少少雀巢效果嘅。香口唔干身，味道唔错。黑松露芝士牛肉汉堡配薯条，卖相可爱。黑色嘅竹炭面包松软，不过就只系颜色特别，实际无乜味道。餐牌写中间嘅牛肉汉堡扒有6.5安士重，实物打得厚身又挺身，质感松化有肉汁。夹住番茄、巴马臣芝士、火箭菜同黑松露，同埋酸酸甜甜嘅酱汁，惹味又平衡，薯条方面就正正常常。蓝蝶花茶，透明玻璃壶入面有好多朵蝶豆花，令