スーパー丼 Express

营业中

休息中

原来逸东楼下嘅Food Hall已经装修完，多左好多新餐厅，今日就黎食屹立好耐嘅Superdon Express。角切鱼生丼（$88）八爪鱼、呑拿鱼、三文鱼、沙甘鱼同玉子嘅角切鱼生丼，跟餐配面豉汤同中华沙律。新鲜鱼肉大大粒，同份量超多嘅寿司饭，加埋酱油同wasabi，好快就清左成碗！肥牛寿喜烧（$138）佐敦店限定嘅寿喜烧总共有有和牛、肥牛、豚肉同鸡扒4款，今次食左肥牛寿喜烧，无论肉量同配菜嘅份量都几多，配菜就有娃娃菜、洋葱、大蒜、香菇、金针菇、红萝卜，非常丰富。寿喜烧汤底好香甜酱油味，半熟嘅肥牛蘸生蛋液，口感更滑更嫩，绝对系perfect match！另外加$10白饭就可以升级做稻庭乌冬，暖暖嘅乌冬可以加落汤变汤乌冬，又或者捞芝麻酱食都好正！系Eaton Food Hall食到性价比高又高质既鱼生丼同寿喜烧，一定要推荐比朋友！