影片
更多
2017-06-30
2835 浏览
上星期去咗上环嘅PMQ元创方扮下文青， 睇下各款唔同嘅手艺，行完就紧系周围揾下好嘢食啦。 中上环最出名嘅就系纵横交错嘅长、长、长命斜。沿著鸭巴甸街行上去，可以揾到一间主打有机同埋健康食物嘅餐厅《Aberdeen Street》。 呢间《Aberdeen Street》，可以话系一间环保友善餐厅， 除咗选用最有机嘅蔬果之外，仲选取咗不含基因改造嘅食材，又选用咗Bio-degradable嘅外卖餐具， 绝对为环保出咗大大力。《Aberdeen Street》 除咗系一间餐厅之外，仲系一间小酒吧， 喺happy hour时段都吸引咗好多打工仔或者游客帮衬， 气氛都几热闹。天气咁热，最啱就整返一杯酸味味、凉浸浸嘅cocktail。呢杯【Fortress Hill】$85，用咗Rose， 西柚汁，以及柠檬汁。饮落醒神，够晒refreshing。系炎炎的夏日饮番杯咁清爽嘅cocktail， 再听下轻松嘅音乐， 令人暑气全消。另外呢度仲有西班牙特饮【Sangria】$75， 呢度嘅Sangria酒味唔算太浓，可以饮出少少嘅Brandy香气。另外又加入咗橙汁同埋各种生果粒， 以增加口感。呢间餐厅有好多
《Aberdeen Street》 除咗系一间餐厅之外，仲系一间小酒吧， 喺happy hour时段都吸引咗好多打工仔或者游客帮衬， 气氛都几热闹。
天气咁热，最啱就整返一杯酸味味、凉浸浸嘅cocktail。呢杯【Fortress Hill】$85，用咗Rose， 西柚汁，以及柠檬汁。饮落醒神，够晒refreshing。系炎炎的夏日饮番杯咁清爽嘅cocktail， 再听下轻松嘅音乐， 令人暑气全消。
另外呢度仲有西班牙特饮【Sangria】$75， 呢度嘅Sangria酒味唔算太浓，可以饮出少少嘅Brandy香气。另外又加入咗橙汁同埋各种生果粒， 以增加口感。
呢间餐厅有好多种唔同嘅Tapas 畀人客边饮酒、边食一啲小食。呢个【Meatballs】 $70，选用咗优质嘅免治牛肉， 加入各款嘅香草，再淋上自家制嘅番茄酱烤焗而成。牛肉meatballs牛味浓郁，而且口感又弹牙， 令人不知不觉咁一粒一粒吞落肚。
主菜方面叫咗海鲜【Gran Pa Mussels】 $215， 呢一道青口用咗blue cheese整成，蓝芝士味道独特，有「西方腐乳」之称，懂得欣赏嘅人会为佢著迷，蓝青口新鲜，烹调时间恰到好处，青口肉够晒嫩滑，食得出海水味，够晒鲜甜。
【Ribeye Steak】 $180 ， 肉眼扒order咗medium熟度， 大厨将火候拿捏得相当之好， 切开牛扒后，肉质依然呈现粉嫩，而且相当juicy。肉眼扒牛味香浓， 而且有阵阵炭烧香气， 配合埋本地有机蔬菜沙律，沙律菜爽口，淋一抹意大利黑醋，份外甜美。
最后黎一客【Chocolate mousse】$65， 呢个朱古力慕士味道令人惊喜， 朱古力味道相当浓郁， 而且口感有如泡沫一样轻盈，非常fluffy。 甜到亦恰到好处，就算当饭后甜品亦唔会觉得太过饱滞。 钟意食朱古力嘅朋友必定爱上。
呢间餐厅有几间外卖app可以速递， 就算留喺家中， 亦都可以享用美味佳肴。
呢间餐厅嘅环保概念值得嘉许，大家都为呢个地球出一分力， 惜饮惜食啦~
张贴
