Cozy Coffee

营业中

休息中

南丰纱厂呢间分店有店内店外area，两边都坐得舒服。假日同朋友去南丰纱厂行下呢间餐厅都系我经常帮衬嘅主因。佢哋啲咖啡属正常，大大杯够一路坐一路饮，唔使好多钱就可以扮文青扮一日，算系扮文青地方入面消费唔算高嘅地点之一。今日就无饮咖啡，但系就食咗佢个三文鱼egg benedict。呢个egg benedict对我嚟讲好有惊喜。由蛋黄酱到水波蛋都出乎我意料。蛋黄酱味道带有淡淡奶油味，质地好滑。而水波蛋无醋嘅酸味，蛋黄熟度竟然啱啱好到一切开无散到成只碟都系，令食起上嚟可以顾及仪态。好少水波蛋可以整到咁好。三文鱼同块muffin中间有牛油果酱，但系又有少少好似prickles咁嘅酸瓜粒喺度，少少酸味点缀咗成份egg benedict。整体体验好高分，不过烟三文鱼俾鸡蛋整熟咗少少。如果分开摊冻啲先攞落去就好喇。