伙食工業 (已結業)

话说senior就推介呢一间台湾嘢食，对于喺火炭最尽头嘅上班一族来讲，呢一间算系近近地，但食物质素真系麻麻地。有得拣一定唔会拣佢先。实在唔太好食嘅关系，连卖相都麻麻地，所以我都冇心机影相。第一次食带咗个南岭猪扒饭，𠮶时觉得个名几得意就叫咗，后尾发现系炸猪扒入边有流心芝士，呢个时候听落都仲系好吸引，但系当个饭嚟咗之后，系极之失望。首先个猪扒好干争争，啲芝士嚟到嘅时候已经唔够留心同埋芝士份量唔够多，猪扒好薄，加埋就好似唔系食紧流心芝士炸猪扒咁🥲然后我叫咗杯嘢饮系美禄恐龙，类似个咁嘅名，即系有啲美禄粉冲杯朱古力奶出嚟，我想讲呢杯野系酸酸地。我已经分唔到系我嘅问题定系啲美禄粉嘅问题。第二次食叫咗个冇咁易中伏嘅嘢食，就系牛肉面。点知都系濑晒嘢，个牛肉应该系炆煮出嚟，会系好松软，入口即溶，但系… …真系一言难尽，个牛肉系咬唔到咁嘅款，值得一赞嘅只系个汤底叫做还好。