影片
更多
2019-10-31
109 浏览
星期三又系同呀妈撑枱脚嘅时间，因为放工去开工业区𠮶边换嘢，所以行咗去Emax揾嘢食。本身谂住去foodcourt搞掂，但经过地下见到有间🇹🇭新派泰国菜，啲嘢好似都啱呀妈食，又有2人set，闲日都坐得几满座，有啲信心保证咁，所以就入咗去食。餐厅唔算好大，摆到十几张枱到，坐落都舒服。环境色调偏暗，配埋啲音乐，系几relax几chill嘅，仲见到corner位有live band位置🎸，可能weekend有表演啩。睇下食乜先，食物选择唔算好多，有2人set同4人set，另加2版单点菜式。其实set真系几抵食，乜都有啲，但呀妈惊食唔哂2个主菜🙈，又唔系好啱沙律，所以散叫咗。呢到嘅泰菜款式比较特别，唔同九龙城传统泰菜馆见到𠮶啲，似西式fusion。首先要咗🥥椰子鸡汤($78)，奶白色的几香，用咗唔少芫荽同姜吊味，同有鸡柳。味道清清哋，几甜，每人饮咗成2碗到，系足2-3人份量。既然唔叫2个主菜，就要份大啲嘅小食啦，要咗泰式并盘($188)🍢。份量一啲都唔少！仲有好多款小食添，一次过满足多个愿望😉。烧蟹盖有3细只仔，好的骰🦀，中间酿咗薯蓉同少少蟹肉，几香口。泰式凤爪就系冻食嚟嘅，无骨啱晒我呢啲懒精🙈
餐厅唔算好大，摆到十几张枱到，坐落都舒服。环境色调偏暗，配埋啲音乐，系几relax几chill嘅，仲见到corner位有live band位置🎸，可能weekend有表演啩。睇下食乜先，食物选择唔算好多，有2人set同4人set，另加2版单点菜式。其实set真系几抵食，乜都有啲，但呀妈惊食唔哂2个主菜🙈，又唔系好啱沙律，所以散叫咗。呢到嘅泰菜款式比较特别，唔同九龙城传统泰菜馆见到𠮶啲，似西式fusion。
首先要咗🥥椰子鸡汤($78)，奶白色的几香，用咗唔少芫荽同姜吊味，同有鸡柳。味道清清哋，几甜，每人饮咗成2碗到，系足2-3人份量。
既然唔叫2个主菜，就要份大啲嘅小食啦，要咗泰式并盘($188)🍢。份量一啲都唔少！仲有好多款小食添，一次过满足多个愿望😉。烧蟹盖有3细只仔，好的骰🦀，中间酿咗薯蓉同少少蟹肉，几香口。泰式凤爪就系冻食嚟嘅，无骨啱晒我呢啲懒精🙈，味道酸酸甜甜几开胃。猪颈肉就有好多块，几好食，但底部有啲油。另外仲有4串串烧同鱼饼，呢2样相对普通。
主菜就拣咗保云酥龙虾辣茄酱意大利饭($158)，贪佢有龙虾🦞。上碟都几精美，龙虾有半边，虽然唔大只，但虾肉鲜甜弹牙，加上面头铺咗好多蒜香面包粉脆脆，好香，正👍。至于个意大利饭，估唔到都几辣🌶，呀妈就话ok，我要饮多啖水，但几惹味。
最后要咗卖飞佛嘅☕️咖啡提拉米苏($48)，多数喺menu见到我都一定会嗌，唔理几饱都好。其实呢日都已经好饱，我无谂过只系叫3样嘢都有咁嘅效果，呀妈英明😎。个tiramisu就一般般啦，只芝士似忌廉多啲，个质感就似普通蛋糕。咸食好食啲，有机会再嚟叫甜品的话反而想试糯米饭，见到隔离叫好色彩缤纷咁。
总括嚟讲，间餐厅喺各方面都比我想像中好，价钱合理，食物质素唔错😋，几啱口味，而且份量十足，呢样(对呀妈)真系好紧要。同时，店员好友善贴心，会主动帮你换碟，同摆好个位上菜，抵赞。最后，走𠮶时发现原来餐厅另一边都系佢哋嘅，系宠物营地🐾，满座率仲劲过餐厅𠮶边添，真系估唔到。
张贴
