泰傳奇 (已結業)

今日比較忙，喺E-Max等朋友收工之後就趕住去第二度！趕時間還趕時間，都要食野先有力嘅，咁啱喺E-Max就見呢間泰國餐廳 - 泰傳奇其實係見到個晚市精選，有幾款飯款選擇，啱晒我地呢d趕時間嘅人，仲要係我最愛嘅泰國嘢，咁就唔洗講野啦泰式海南雞髀飯 $80:海南雞髀大大隻，食落啖啖嘅肉，只喺略嫌油咗少少，另外個油飯都幾入味，份量都唔少架，再配埋杯椰汁冰，超正👍🏻青咖哩牛腩飯 $68:呢碗青咖哩應該加咗椰奶，食落有d葡汁，好啱撈飯食，牛腩都算大嚿，食落唔會好韌，另外再配青檸梳打，酸酸地開下胃