煌爵宴會廳 (已結業)

虽然我喺九龙湾返工，不过唔系老婆之前同朋友黎过呢间煌爵，都真系唔知EMAX顶楼原来仲有间酒楼。呢间酒楼主力做婚宴宴会，EMAX又无咩广告牌，所以夜晚黎既人比较少,价钱亦相对抵~一般酒楼既特价菜式,如果2人多数只可拣一款, 但呢度二至四人都可以拣2款。我地拣左约一斤既沙巴龙趸都只系$78，系街市买既价钱，真系好过自己煮~ 蒸既火喉刚好，肉质滑滑。仲叫左半只酱烧脆皮鸡$48 , 鸡皮脆香肉嫩~  因为想食菜，拣左个浓汤海味什菜煲$88大大窝，有花胶瑶柱虾米，2个人确系多左d，3个人就刚好啦~ 加埋个饭埋单先约$300, 真系抵食 !!