Cucina Emilia

营业中

休息中

节日晌人哋度庆祝，朋友晌Emilia买咗原个装嘅松露野菌薄饼。因为即叫即焗，佢话等咗差唔多二十分钟左右就拎得，个盒比普通嘅长好多，哈。因为系外卖自取，加上天气关系，拎到嚟已经冻咗少少。不过打开一刻仍然震撼，长形嘅特大薄饼就好似一个键盘咁，甚至比键盘仲要大，好得意。之后我哋就将个薄饼一分为八，薄饼上面铺满杂菌、黑松露、水牛芝士同番茄酱，无论系闻落抑或食落都充满浓郁嘅黑松露味，番茄酱亦微酸清新，芝士量啱啱好，味道平衡。纵使薄饼系啱啱焗起热辣辣咁入盒，拎到嚟后个盒都无俾水气沾湿，薄饼亦无变得腍身。饼底筋度高，质感烟韧有弹性，薄饼中间嘅边位仲有微脆口感。就算冻咗少少都算好食，如果即场趁热食或者自己焗返热佢应该仲惹味。